Dátuverndarkunning

Sum dátuábyrgdari er tað skyldan hjá Hvalbiar skúla at tryggja, at viðgerðin er í samsvari við reglurnar í dátuverndarlógini.

Nær viðgerð Hvalbiar skúli upplýsingar um teg?

Hvalbiar skúli viðger persónupplýsingar í sambandi við virksemi skúlans, undir hesum serliga samskiftisupplýsingar, uppmøting, støðumet og ársmet.

Viðgerðin av persónupplýsingum fevnir í høvuðsheitum um skráseting og goyming. Í flestu førum viðger skúlin samskiftisupplýsingar so sum navn og teldupost. Í serstøkum føri viðger skúlin viðkvæmar upplýsingar.

Hvalbiar skúli savnar inn upplýsingar, tá ið:

• tú verður innskrivað/ur í skúlan
• tú hevur vent tær til skúlan við eini klagu ella fyrispurningi persónliga ella umvegis telefon ella teldupost
  
  
  
  

Endamál við viðgerðini av persónupplýsingum

Hvalbiar skúli viðger persónsupplýsingar fyri at kunna útinna tær myndugleikauppgávur, sum fólkaskúlalógin og onnur viðkomandi lóggáva áleggur stovninum.

Fyrisitingarrætturin er galdandi fyri allar almennar skúlar, og Hvalbiar skúli skal eisini fylgja hesum reglum. Sumbiar skúli skrásetir allar upplýsingar, sum koma inn og hava týdning fyri eitt mál.

Heimild fyri viðgerð av persónupplýsingum

Heimildin til at viðgerða persónsupplýsingar er í høvuðsheitum:

• Dátuverndarlógin § 8, stk.1, nr. 3, fyri at halda rættlarligar skyldur.
• Dátuverndarlógin § 8, stk.1, nr. 5 fyri at útinna myndugleikauppgávur
• Dátuverndarlógin § 12, stk. 1, nr. 2, tá talan er um viðkvæmar upplýsingar.
• Dátuverndarlógin § 16, stk.1, um persónstøl verða viðgjørd.

Víðarigeving

Hvalbiar skúli gevur í útgangsstøðinum ikki persónupplýsingar víðari, sum skúlin hevur savnað í sambandi við ítøkiliga málsviðgerð.

Í ávísum førum er tað tó neyðugt fyri at halda skyldurnar í t.d. fyrisitingarlógini at senda persónupplýsingar til annan myndugleika ella triðjapersón. Tað eru tá bert neyðugar upplýsingar, sum verða givnar víðari.

Í útgangsstøðinum flytur Hvalbiar skúli ikki persónsupplýsingar til útlond ella triðjalond.

Striking av persónupplýsingum

Mál hjá Hvalbiar skúli verða flutt á goymslu til Tjóðskjalasavnið sambært løgtingslóg um skjalasøvn.

Tá ið upplýsingarnar eru goymdar á Tjóðskjalasavninum ella vrakaðar, hevur skúlin ikki longur atgongd til upplýsingarnar.

Tó er ásett í lógarverkinum, at ávísir upplýsingar skulu goymast longur, eitt nú skulu prógv og skjalváttanir hjá næmingum umframt próvtøl og støðu- og ársmet goymast í 30 ár.

Rættindi hjá skrásetta

Dátuverndarlógin tryggjar skrásettum eina røð av rættindum. Hesi rættindi eru í kap. 4 í dátuverndarlógini.

Rættindini hjá skrásetta í dátuverndarlógini eru hesi:

• Rætturin til kunning í §§ 23-25
• Rætturin til innlit í § 26
• Rætturin til rætting í § 27
• Rætturin til striking í § 28
• Rætturin til viðgerðaravmarking í § 29
• Rætturin til dátuflutning í § 31
• Rætturin til mótmæli í § 32-34
• Rætturin til ikki at vera fyri avgerðum, sum eru grundaðar á automatiska viðgerð

Rættindini eru ikki treytaleys og tað veldst um ítøkiliga málið og ítøkiligu umbønina, um hon kann gangast á møti.

Um tú vilt gera ein ella fleiri av rættinum galdandi, skalt tú venda tær til Hvalbiar skúli á sum@skulin.fo ella á telefon 37 06 66, gerandisdagar millum kl. 8-16. Skrivstovan er bert opin eftir avtalu.